Personaxes
Persoas relevantes da vida sociocultural da Comarca do Morrazo e os seus concellos. Persoas que fixeron algo destacado polo seu pobo e para a súa sociedade
Eduardo Pérez Calvar, “Leta”
Seguro que paseando por Moaña reparastes algunha vez nun busto que se atopa diante dun edificio na zona da Xunqueira. Trátase do “Busto de Leta”, unha escultura na honra de D. Eduardo Pérez Calvar “Leta”, unha persoa emprendedora, loitadora e visionaria que ao longo da súa vida converteuse nunha figura moi relevante na sociedade moañesa da súa época. … Ler máis
Henrique Prado Miranda, escultor cangués
Henrique Prado Miranda é un escultor cangués que como moitos outros artistas, descubriu a súa vocación xa na súa xuventude. O darse conta de que o mundo do arte funcionaba dunha forma bastante complexa e que, sen os contactos axeitados, ía ser moi complicado poder vivir da escultura, estudou modelismo naval e delineación e aparcou a súa gran paixón mentres traballaba nese sector, sobre todo en Rodman, onde estivo moitos anos.
No 2009, a raíz dunha exposición na que participou con algunhas obras que fixera 30 anos atrás, retomou a súa carreira como escultor, sendo unha persoa autodidacta, capaz de aplicar nas súas obras parte dos coñecementos que obtivo ao longo da súa vida laboral.
Dende entón foi expoñendo e vendendo as súas obras por varios países de todo o mundo, pero temos a sorte de poder contemplar algunhas delas na nosa vila. … Ler máis
Bernardo Blanco Rodal, mariño republicano de Cangas
Bernardo Blanco Rodal era un mariño republicano que perdeu a vida de maneira tráxica no Cruceiro Libertad nun ataque aéreo durante a Guerra Civil. A autora deste artigo era familiar seu e elaborouno sobre todo para adicarllo á súa nai, Lola Barreiro Blanco quen, con máis de 80 anos, é unha gran sabedora das historias da Cangas de antes e coa que sentía que tiña unha débeda pendente, a de contar a curta e trepidante historia deste valente cangués.
Todo o que aquí se conta, é froito do escoitado e recopilado na “casa”, do que se recorda na familia Blanco sobre a súa persoa e tamén dunha pequena colaboración feita coa profesora da Universidade de Valencia, Victoria Fernández Díaz, especialista no exilio dos mariños da Armada Republicana. … Ler máis
Jose Chapela González, “Pepe Chimé”, primeiro alcalde da democracia en Cangas
Pepe Chimé pasará a historia de Cangas por ter sido o primeiro alcalde da democracia, pero tamén foi un home orgulloso de ser de Cangas, un avogado que vivía con paixón o seu traballo e unha persoa bondadosa e empática cun especial sentido do humor. Esta é a súa historia. … Ler máis
Constantina Pérez Calvar, a parteira de Moaña
Constantina Pérez Calvar foi parteira de Moaña durante máis de 60 anos, período no que axudou a chegar a este mundo a varias xeracións de moañeses e moañesas.
Este artigo esta elaborado a partir dunha conversa cunha das súas netas chea de interesantes detalles e anécdotas da vida de “Señora Constantina”, que nos serven para coñecer mellor a súa historia e ilustrar a súa gran calidade humana. … Ler máis
Sonia Cordeiro Santos, muller trans pioneira en Cangas
O 31 de marzo de cada ano se conmemora o Día Internacional da Visibilidade Transxénero. Con este motivo, publicamos este artigo adicado a Sonia Cordeiro, unha muller trans, valente e pioneira en Cangas. … Ler máis
A Santa de Rodeira
Todo ocorreu o 13 de xuño de 1887. Na víspera levaron aos pés da cama de Balbina a imaxe do Sagrado Corazón, que encargou para a excolexiata. Desmaiouse e espertou curada. “De súpeto Balbina deu un berro afogado, abriu os ollos e exclamou en alta voz: Quen me tocou? Meu Deus ¡ Estou curada ¡. Filla do exalcalde de Cangas, Ignacio Zabala Pimentel, a súa curación dunha parálese que a tiña postrada dende facía oito anos nunha cama da casa familiar en Rodeira, foi considerada como unha milagre e Balbina Zabala pasou a ser “A Santa de Rodeira” … Ler máis
A Alianza Mariñeira de Cangas
Hai constancia de que a finais do século XIX, comezaron a xurdir no Morrazo unha serie de movementos sociais que demandaban unha mellora nos dereitos dos traballadores e que serían a orixe dos chamados “sindicatos do mar”, formados na súa maioría polos mariñeiros das diferentes vilas da comarca e nos que tamén participarían persoas dun corte máis político.
Algunhas das agrupacións que xurdiron na nosa contorna foron a “Alianza Mariñeira de Moaña” (posteriormente tamén a Solidaridade Mariñeira e a Fraternidade Mariñeira), “A Reivindicadora” e sobre todo, a “Alianza Mariñeira de Cangas”. … Ler máis
Visitantes ilustres de Cangas (II)
A través deste segundo artigo continuaremos coñecendo algúns dos visitantes ilustres de Cangas, persoas que recalaron na nosa vila na procura dun descanso, unha escapada, un traballo, unha nova vida ou unha dobre vida se cadra.
Nesta nova viaxe ao pasado, coñecermos o caso dun escritor e notario irmán de Valle Inclán, unha coñecida literata e un futbolista que rematou sendo un famoso cantante. … Ler máis
Visitantes ilustres de Cangas (I)
A través de dous artigos imos botar unha ollada curiosa a algúns dos visitantes ilustres de Cangas, viaxeiros que recalaron na nosa vila na procura dun descanso, unha escapada, un traballo, unha nova vida ou unha dobre vida se cadra.
Nesta primeira viaxe ao pasado, recordaremos o paso por Cangas dun home e unha muller adicados á fotografía, que encontraban na Galicia do primeiro tercio do século XX en xeral, e na nosa vila en particular, un universo con identidade propia do que captaron as súas luces e sombras. … Ler máis
Ramón Ocaña, o fotógrafo da Cangas do século XX
Ramón Ocaña foi un fotógrafo que ao longo da súa vida recolleu a través da súa cámara os momentos máis relevantes da historia de Cangas. O noso pobo débelle imperecedoira gratitude por legarnos tantos testemuños gráficos da nosa vila no século XX, e para facerlle unha pequena homenaxe, a A.C A Cepa organiza unha exposición fotográfica os vindeiros 1,2,3 e 4 de decembro de 2022 na Capela do Hospital e presentará o libro “Ocaña, unha saga de fotógrafos”. … Ler máis
Susana Cordeiro, 30 veces campiona do mundo All styles de artes marciais
Susana Cordeiro é unha canguesa que conta cunha ampla traxectoria de éxitos a nivel internacional en competicións de artes marciais, sendo actualmente 30 veces campiona do mundo all styles de artes marciais en diversas categorías grazas a súa preparación a través do TAIKIC. … Ler máis
Sarah Lorenzana: mestra, escritora e membro da real academia galega
Sarah Lorenzana foi unha canguesa adiantada ao seu tempo en moitos aspectos. Obtivo o título de Mestra Superior de Instrución Primaria con 13 anos e, pouco despois, xa con 16, fundou e dirixiu en Pontevedra o Colexio da Purísima Concepción.
Ademáis ao longo da súa vida destacou no ámbito literario con libros de divulgación científica, contos e narrativa, libros de aventuras, novelas rosas ou libros de personaxes que a levaron a formar parte da Real Academia Galega. … Ler máis
José Oliveira Avendaño “Oliveira”
Jose Oliveira Avendaño, foi un cangués cunha vida intensa e interesante vinculada a república e ao mar, ese mar que precisamente baña o porto no que Cangas recibía a bandeira tricolor que ondearía no Concello no 1931. … Ler máis
Ana María Soto Landeira, a asistenta social de Massó
Ana María Soto Landeira foi unha viguesa nacida en 1921 que comezou a traballar como asistenta social na conserveira de Massó de Cangas alá polos anos 50 do século pasado. A súa adicación faría de Massó un exemplo a seguir no ámbito social, prestando axuda ás familias que traballaban na fábrica.
… Ler máis
Avelino Avilés Martínez, ilustre e orgulloso cangués
Avelino Avilés era un veciño de Cangas que se sentía orgulloso do seu pobo.
Foi fontaneiro, campión de España desa disciplina en dúas ocasións e rexentou unha tenda de electrodomésticos.
Pero se por algo se lle recorda, é por ser o artífice da recuperación do icónico reloxo da Alameda Vella e por participar activamente na vida social da vila na que foi concelleiro, organizador das Festas do Cristo e do Nadal en varias ocasións, animador e impulsor do Entroido, e fundador de varios grupos corais como Nin fu nin fa ou Amigos de la Canción. … Ler máis
Guillermo Moldes Rodal, escritor cangués
UN CANGUÉS NAMORADO DA SÚA VILA, ESCRITOR E LIBREIRO Texto elaborado por Óscar Rodríguez Martínez a partir de información e fotografías facilitadas por Guillermo Moldes Rodal. Neste artigo imos a coñecer de preto ao escritor cangués Guillermo Moldes Rodal que tras o rotundo éxito da súa primeira novela titulada “El enigma del platero”, vén de publicar recentemente a segunda baixo o título “La sal de las
Antonio González Molanes ” Tucho Perete “
Tucho “Perete”, foi un gran amante da música e de Cangas. Merece ser recordado polo labor que durante moitos anos realizou na vila no ámbito cultural, e tamén pola súa gran calidade humana.
Sirvan de exemplo as palabras do finado alcalde Xose Manuel Pazos Varela recordando a Tucho tras a súa morte: “Aínda que sabemos que ninguén é indispensable neste mundo, Tucho era unha desas persoas que se achegaba moito a ser imprescindible ”. … Ler máis
Aurelia Soage Pérez, fundadora da protectora de animais do morrazo
Dende o mes de agosto de 2021 varios colectivos e veciños de Moaña comezaron a recoller sinaturas para pedir que Lela Soage fose nomeada filla predilecta de Moaña e se lle poña o seu nome a praza onde se atopa a escultura ao animal abandonado, algo que logrouse no mes de maio do 2022.
A historia de Aurelia Soage Pérez “Lela”, é a de unha muller que adicou gran parte da súa vida ao servizo público, concretamente a crear e levantar o que hoxe en día é a Protectora de Animais do Morrazo situada na zona de Broullón en Moaña.
Para coñecer a súa historia contamos co relato de Sonia Freire, a que foi a súa coidadora durante os seus últimos catro anos de vida. … Ler máis
As bruxas de Cangas
Seguro que case todos coñecemos a María Soliña, a “bruxa” máis famosa de Cangas. Pero, era realmente unha bruxa? Ou foi todo unha conspiración? Cal foi a orixe da caza de bruxas de Cangas? … Ler máis