O estudo fotográfico de José María Pérez Santoro situado no Eirado do Señal, foi durante décadas referencia fotográfica de varias xeracións, pero tamén a morada da memoria da vila mariñeira de Cangas no último medio século en forma de fotografías.
Este será o primeiro dunha serie de artigos nos que repasaremos a súa vida e as súas contribucións á vila de Cangas, o seu lugar no mundo. … Ler máis
O pasado domingo 28 de xuño, a Asociación A Illa dos Ratos acadou, tras dez anos de actividade, a impresionante cifra de mil rutas guiadas no Morrazo.
Neste artigo recordamos como vivimos este día tan importante da nosa historia, unha cita que resultou moi emotiva e na que compartimos momentos moi especiais con moitos de vós, os membros que formades esta gran familia ratona. … Ler máis
Presentamos o proxecto “Cangueiras”, unha serie de artigos, elaborados en colaboración coa Concellaría de Igualdade do Concello de Cangas, na que trataremos de achegarvos as historias de 12 mulleres canguesas que ben merecen ser recoñecidas polas súas achegas a sociedade e que poden resultar inspiradoras para as novas xeracións.
Nestas datas tan importantes nas que celebramos a Semana do Orgullo, a figura que vos imos presentar é Lara Boubeta Bamio (Cangas, 1994), mestra, escritora e defensora e activista polos dereitos LGTBIQ+. … Ler máis
Unha vez máis, os membros da Asociación A Illa dos Ratos volvemos con moita ilusión para presentarvos os nosos programas de rutas gratuítas no Morrazo na primavera de 2026.
Nesta ocasión, faremos rutas nos tres concellos do Morrazo e coma sempre trataremos de dar a coñecer e poñer en valor algúns dos seus recursos turísticos, etnográficos, culturais e naturais máis relevantes. … Ler máis
Presentamos o proxecto “Cangueiras”, unha serie de artigos, elaborados en colaboración coa Concellaría de Igualdade do Concello de Cangas, na que trataremos de achegarvos as historias de 12 mulleres canguesas que ben merecen ser recoñecidas polas súas achegas a sociedade e que poden resultar inspiradoras para as novas xeracións.
Hoxe tócalle o turno a Lara Graña Prieto, canguesa que conta cunha ampla traxectoria en diversos medios de comunicación nos que demostrou a súa valía, sobre todo no campo da investigación. Actualmente ocupa o cargo de redactora xefe de Faro de Vigo e en 2024 foi galardoada co “Premio API de investigación na categoría de periodismo local” polos artigos que publicou sobre o caso Hiperxel. … Ler máis
Seguro que paseando por Moaña reparastes algunha vez nun busto que se atopa diante dun edificio na zona da Xunqueira. Trátase do “Busto de Leta”, unha escultura na honra de D. Eduardo Pérez Calvar “Leta”, unha persoa emprendedora, loitadora e visionaria que ao longo da súa vida converteuse nunha figura moi relevante na sociedade moañesa da súa época. … Ler máis
Xoán Piñeiro Nogueira (Nerga – O Hío, Cangas 1920 – O Porriño, 1980) foi un importante escultor cangués que exerceu unha notable influencia na escultura monumental pública en Galicia, sobre todo a partir dos anos 60, e que a pesar da súa repentina morte nun accidente de tráfico en 1980 continúa sendo un dos artistas máis recoñecidos e populares da segunda metade do século XX.
Neste primeiro artigo faremos un repaso dos seus inicios como escultor, poñendo especial atención na influencia que tiveron sobre a súa obra tanto a súa terra natal como o contexto histórico que lle tocou vivir. … Ler máis
Falarmos de traballo feminino na nacente industria de transformación do peixe da Galicia contemporánea é falarmos de inestabilidade e desigualdade.
Era un labor que se realizaba nas factorías de salgadura e de conserva, un dos principais sectores de ocupación nos séculos XIX e XX en fábricas como Massó Hermanos, Antonio Alonso e Hijos, etc; traballo que compaxinaban con outras tarefas diarias como o coidado de familiares e a atención do fogar. … Ler máis
Con este artigo queremos facer un pequeno repaso da nosa traxectoria e agradecer publicamente o apoio, axuda e participación das persoas, colectivos e institucións que nestes dez anos teñen colaborado para que A Illa dos Ratos sexa un proxecto consolidado.
Agardamos que nos sigades acompañando nesta fermosa viaxe, que nesta ano 2026 nos levará previsiblemente a alcanzar as 1.000 rutas realizadas e os 30.000 asistentes. … Ler máis
Cada fonte que temos na vila de Cangas ten algún elemento ou característica diferenciadora que a fai especial e única.
Neste primeiro artigo, Xerardo Dasairas nos fala da “Arquitectura da auga nas fontes de Cangas”, centrándose nas existentes no Hío e Aldán e facendo especial referencia a aquelas que, co paso do tempo, foron transformadas para dotalas de certa monumentalidade, converténdose en elementos arquitectónicos senlleiros e singulares da vila. … Ler máis
Constantina Pérez Calvar foi parteira de Moaña durante máis de 60 anos, período no que axudou a chegar a este mundo a varias xeracións de moañeses e moañesas.
Este artigo esta elaborado a partir dunha conversa cunha das súas netas chea de interesantes detalles e anécdotas da vida de “Señora Constantina”, que nos serven para coñecer mellor a súa historia e ilustrar a súa gran calidade humana. … Ler máis
A Illa dos Ratos realizou 141 rutas en 2025, un ano cheo de bos momentos nos que a nosa familia ratona continuou crecendo.
A poucas semanas de que anunciemos o calendario de rutas para o inverno de 2026, toca facer balance deste ano que agora remata e agradecer de todo corazón o apoio de todas as persoas e entidades que colaboraron para que un ano máis fose posible este fermoso proxecto.
Tamén afrontamos con ilusión renovada o 2026, no que buscaremos alcanzar xuntos tres fitos moi importantes na historia da asociación: celebrar o 10 º aniversario, avanzar camiño das 1.000 rutas e superar a barreira dos 30.000 asistentes. … Ler máis
Neste artigo titulado “As Xulianas, unha saga de poxadoras de Bueu” o investigador e divulgador José Manuel Dopazo Entenza nos fala da importancia destas mulleres que son parte da historia de Bueu tanto pola súa singularidade como polo seu legado, un labor que merece ser coñecido e posto en valor.
No pobo non hai mariñeiro xubilado ou activo que non lembre ou escoitase falar dalgunha destas poxadoras, e sen elas non se podería entender o desenvolvemento pesqueiro e industrial do Bueu do século XIX e XX. … Ler máis
“As voltas coas Cíes (I)” é o primeiro de dous artigos nos que Xerardo Dasairas fará un repaso da historia das Illas Cíes que nos permitira coñecer os motivos da súa pertenza territorial e xurídica a Vigo mediante unha Real Orde do 23 de xuño de 1840, asinada pola raíña Isabel II, baixo a rexencia da súa nai. … Ler máis
Matilde Bares Giráldez está considerada unha das mestras máis relevantes da historia de Bueu. Pola súa casa – escola, onde exerceu durante máis de 60 anos, pasaron moitos nenos e nenas do pobo para recibir a ensinanza primaria pero tamén foron numerosos os adultos que acudían a ela para aprender a ler, escribir e recibir fundamentos básicos de matemáticas antes de emigrar ao outro lado do Atlántico e contar cunha formación mínima para defenderse e saír adiante na súa nova vida. … Ler máis
O quiosco meteorolóxico sobre o que luce o reloxo da Alameda Vella é unha réplica do orixinal que se instalara en 1908 grazas a iniciativa de D.Álvaro Guitián Delgado, Capitán do Porto de Cangas, e ás aportacións, entre outros, dos propietarios das embarcacións de pesca, os conserveiros e o Concello. … Ler máis
Neste artigo faremos un percorrido pola historia de Bueu facendo referencia as súas orixes como asentamento durante o período romano, ao nacemento dos seus diferentes núcleos poblacionais durante o medievo e sobre todo ao desenvolvemento da pesca e a súa industria que foron p seu motor de crecemento durante os últimos séculos. … Ler máis
O estudo fotográfico de José María Pérez Santoro situado no Eirado do Señal, foi durante décadas referencia fotográfica de varias xeracións, pero tamén a morada da memoria da vila mariñeira de Cangas no último medio século en forma de fotografías.
Neste artigo nos centraremos na súa importante traxectoria no mundo da fotografía e veremos como ao cumprir 50 años sufriu unha crisis profesional e buscou vivir a fotografía dun xeito diferente … Ler máis
A Festa Popular de Bronlle xurdiu no verán de 1976 cando un grupo de mozos e mozas de Meira que formaban parte da A.C A Canle tiveron a iniciativa de facer unha festa en Bronlle, unha carballeira pertencente á igrexa de Meira, que sempre fora un lugar de encontro, de xogos, de diversión para rapaces, mozos e maiores da parroquia.
A idea tivo unha boa acollida e axiña se puxeron mans a obra coa total colaboración do crego D. Manuel Duarte, personaxe cun protagonismo moi importante naqueles anos na parroquia e que facilitou moitísimo as cousas para crear unha romeria tradicional galega que cos anos se iría consolidando e cumprindo o seu obxectivo de poñer en valor a lingua e a cultura galega logo dos anos escuros do franquismo. … Ler máis
Neste novo artigo da serie “Suso Caramuxo, historia viva de Cangas” imos a ocuparnos do seu traballo como restaurador de imaxinería relixiosa e da súa influencia na transformación da Semana Santa de Cangas, declarada Festa de Interese Turístico de Galicia dende o ano 2002 e considerada unha das máis importantes do país, xunto á de Ferrol ou Viveiro. … Ler máis
Poucos moañeses saben que a mediados dos anos 70 do século pasado chegou a sucar a Ría de Vigo unha réplica dun barco prehistórico que foi bautizado como “A Borna” e que estaba inspirado no petróglifo existente na zona de Moaña do mesmo nome. Tratábase dunha embarcación única en Europa que contaba con 5,5 metros de eslora e 2 de manga, e a súa viaxe de Vigo ata as Cíes constituíu un fito no estudo da naútica prehistórica. … Ler máis
Este artigo está adicado a Carmiña Pérez Alonso (Vigo, 1938), pregoneira das Festas do Cristo de Cangas 2023, unha muller entrañable á que lle temos moito cariño e que a consideramos a avoa oficial de “A Illa dos Ratos”.
Carmiña, ademais de ser unha excelente persoa, é admirada e coñecida pola súa extensa traxectoria no mundo do folclore galego e por ser a impulsora de varios grupos de baile tradicional por todo o Morrazo. … Ler máis
Don Félix de Ozámiz Rodríguez- Sesmeros foi un oficial da Mariña de orixe vasca que durante 30 anos gañouse a estima e o recoñecemento do pobo de Cangas polo seu esforzo na defensa do mar, fonte de sustento da xente máis humilde da vila.
No seu desempeño deixou sona de home estrito e moi rigoroso coas infraccións que se facían no mar, pero tamén dunha gran calidade humana que o levaba a interesarse pola situación na que quedaba a familia do infractor e non dubidaba en axudalos empregando os seus contactos ou poñendo incluso cartos do seu peto. … Ler máis
A popular Casa da Bola é unha desas construcións que forman parte da vida de Cangas, como o “Reló”, a Praza de Abastos, a Igrexa ou mesmo a Capela do Hospital. Todas elas viron pasar a vida dos cangueses e canguesas e foron testemuñas de moitas historias e do crecemento da vila. … Ler máis
No que atinxe ás fábricas de salgado que existiron nas costas da nosa comarca do Morrazo, recollemos neste artigo un anaco da historia dunha gran industria que durante case dous séculos exerceu primeiro como fábrica de salgado, despois quedou abandonada e máis tarde funcionou como conserveira. Atópase na aldea de Pinténs (O Hío), na fermosa Ría de Aldán, e foi coñecida como A fábrica de Ameixide. … Ler máis
Non hai extracto porque este é un artigo protexido.
Manolo Tomé Portela “Tomé”, é un moañés afincado en Cangas que foi xogador do F.C Barcelona e da U.D Salamanca tendo a oportunidade de gañar una liga ao lado de Johan Cruyff e de enfrontarse a outros grandes xogadores da historia do fútbol como Maradona, Kempes, Jairzinho ou incluso Pelé. … Ler máis
Presentamos o proxecto “Cangueiras”, unha serie de artigos, elaborados en colaboración coa Concellaría de Igualdade do Concello de Cangas, na que trataremos de achegarvos as historias de 12 mulleres canguesas que ben merecen ser recoñecidas polas súas achegas a sociedade e que poden resultar inspiradoras para as novas xeracións.
Nesta nova entrega coñeceremos a historia de Sarah Lorenzana, unha canguesa adiantada ao seu tempo en moitos aspectos. Obtivo o título de Mestra Superior de Instrución Primaria con 13 anos e, pouco despois, xa con 16, fundou e dirixiu en Pontevedra o Colexio da Purísima Concepción.
Ademáis ao longo da súa vida destacou no ámbito literario con libros de divulgación científica, contos e narrativa, libros de aventuras, novelas rosas ou libros de personaxes que a levaron a formar parte da Real Academia Galega. … Ler máis
O estudo fotográfico de José María Pérez Santoro situado no Eirado do Señal, foi durante décadas referencia fotográfica de varias xeracións, pero tamén a morada da memoria da vila mariñeira de Cangas no último medio século en forma de fotografías.
Nesta segunda entrega coñeceremos como coñeceu á muller da súa vida e regresou a Cangas para emprender varios negocios e participar da vida cultural e social do pobo. … Ler máis
Agustín Soage Bastón é un artista e artesán que forma parte da terceira xeración dunha familia adicada á madeira.
Dende o seu “Eco Espazo da Madeira”, situado no número 44 da Avenida de Ourense, crea de xeito artesán tanto mobles como outras pezas e dende fai uns anos traballa para convertelo nun espazo cultural onde facer exposicións, presentacións de libros e outras propostas.
A Biblioteca das Madeiras do Mundo, é unha iniciativa que neste 2026 cumpre 11 anos. A mostra, que se inaugura o 17 de maio coincidindo coa celebración do Día das letras galegas, incorpora este ano a varios artistas portugueses e nacionais de primeira liña, e pode visitarse gratuitamente ata o 14 de xuño. Unha visita moi recomendable ¡¡¡ … Ler máis
Dª Sagrario Corral Ferreiro (1914-2007) será recordada sempre en Cangas como “a mestra da escola de Massó”, o lugar onde se gañou o cariño das súas alumnas pola súa proximidade e onde demostrou que para ela a súa gran paixón era a ensinanza. … Ler máis
Nesta sexta e última entrega desta serie titulada “O tributo humano de Cangas ao mar”, Xerardo Dasairas nos achega algúns dos naufraxios nos que estiveron implicados mariñeiros e/ou embarcacións de Cangas, sucedidos dende os anos 60 do século pasado ata a chegada da democracia. … Ler máis
Nesta cuarta entrega desta serie titulada “O tributo humano de Cangas ao mar”, Xerardo Dasairas nos fala do período da II República Española, comprendido entre 1931 e 1936, unha etapa na que a pesar de que continuaron ocorrendo numerosos naufraxios con mariñeiros de Cangas como protagonistas, o goberno republicano impulsou novas iniciativas encamiñadas a mellorar as coberturas no mar como a Mutua de Accidentes do Mar e do Traballo. … Ler máis
Nesta quinta entrega desta serie titulada “O tributo humano de Cangas ao mar”, Xerardo Dasairas enumera algúns dos naufraxios sucedidos durante o franquismo nos que estiveron implicados mariñeiros e/ou embarcacións de Cangas. … Ler máis
Neste segundo artigo da serie “Fomentadores e xávegas na enseada de Aldán”, Xerardo Dasairas nos achega información interesante sobre os conflitos que foron xurdindo tras a chegada dos fomentadores cataláns, debido sobre todo a introdución da xávega nas nosas rías.
De feito, desde 1760 existirá unha forte oposición ao sistema catalán, que provocará que nas rías do norte se vaian ditando algunhas normas sobre o uso da xávega que obrigaron aos cataláns a desprazarse cara ás rías do sur, aínda permisibles nos seus regulamentos. … Ler máis
Neste terceiro artigo da serie “Fomentadores e xávegas na enseada de Aldán”, Xerardo Dasairas aborda a terceira fase do asentamento catalán en Galicia e as consecuencias da súa chegada a Cangas, sobre todo relacionadas co décimo do mar.
Tamén veremos como unha vez expulsados os franceses, o novo réxime constitucional vai prover novas normas de pesca, destinadas agora a regulamentar polo miúdo os tempos e os lugares de uso de cada arte, diminuíndo a conflitividade na pesca pero aumentando os litixios entre os xa numerosos fomentadores. … Ler máis
Neste último artigo da serie “Fomentadores e xávegas na enseada de Aldán”, Xerardo Dasairas aborda o paso da salgadura á conserva.
Veremos como as primeiras fábricas de conservas en Cangas foron as de Darío Lameiro e a de Francisco Fernández Cervera pero neste texto tamén descubriremos cousas curiosas sobre as “Naves de Ojea” ou a que está ao final de Rodeira, onde nos seus inicios se elaboraban noces en conserva. … Ler máis
Presentamos o proxecto “Cangueiras”, unha serie de artigos, elaborados en colaboración coa Concellaría de Igualdade do Concello de Cangas, na que trataremos de achegarvos as historias de 12 mulleres canguesas que ben merecen ser recoñecidas polas súas achegas a sociedade, e que poden resultar inspiradoras para as novas xeracións.
A primeira das nosas protagonistas será Susana Cordeiro, deportista canguesa que conta cunha ampla traxectoria de éxitos a nivel internacional en competicións de artes marciais, sendo actualmente 30 veces campiona do mundo all styles de artes marciais en diversas categorías grazas a súa preparación a través do TAIKIC, un sistema de adestramento que combina todos os aspectos posibles da loita. … Ler máis
Neste primeiro artigo dos catro que Xerardo Dasairas dedica aos “Fomentadores e xávegas na ensenada de Aldán”, o autor aborda a chegada dos primeiros fomentadores cataláns as nosas rías e nos explica como nun principio actuarían como comerciantes para posteriormente instalarse como salgadeiros buscando o fomento da “decaída” pesca galega, o que fixo que se lles dese o nome popular de fomentadores.
Con eles trouxeron a xávega, unha arte importada e indefectiblemente ligada á chegada dos cataláns ao noso litoral a mediados do século XVIII. … Ler máis