Conxunto monumental ao redor dunha igrexa

No corazón da parroquia do Hío, no Igrexario, atópase un conxunto monumental cargado de arte, historia e tradición. Todos sabemos que nel o protagonista indiscutible é o famoso Cruceiro do Hío pero, ás veces, parece que esquecemos que o cruceiro brilla aínda máis grazas ao magnífico entorno que o acompaña día a día. Así pois, con esta ruta polo corazón do Hío, percorreremos, pedra a pedra, cada un dos elementos que fan compañía ao famoso monumento: un adro de danzas e defuntos, unha igrexa de arte e cultos, casas de señorío e de chan de terra, unha fonte de felicidade, un lavadoiro de noticias, un pequeno cruceiro que non deixa de sufrir, rúas esquecidas que volveremos descubrir...