A ORIXE E OS NOMES DAS NOSAS RÚAS

Os nomes das rúas son deses elementos que asumimos que existen desde sempre e non adoitamos pararnos a pensar no por que do seu nome. Nesta ruta faremos un percorrido por algúns dos nomes máis salientables e curiosos do noso rueiro. Así coñeceremos a persoeiros ilustres, cangueses ou non, onde atoparemos figuras relacionadas coa política, co mar, coa emigración, coa nosa historia... Pero tamén nomes que foron postos de forma espontánea polos cangueses ao longo do tempo e que nos transportan a outra época, testemuños dunha Cangas que xa non existe. Veremos que os nomes das rúas cambian ao son dos tempos, e os seus nomes fálannos dese pasado e desas persoas que mereceron ter unha rúa co seu nome.