Sorteo en Instagram polo Día Mundial dos Océanos

¿Gustaríache gañar unha viaxe en veleiro pola Ría de Vigo ou un almorzo buffet para dúas persoas no Rodeiramar 2A? Participa no sorteo en Instagram e poderás conseguilo. E ademáis, tamén estarás a contribuir (un pouquiño) en reducir a cantidade de plásticos que enchen as nosas praias. Esta é a nosa forma de celebrar esta semana mundial polo planeta que comeza co Día Mundial do Medio Ambiente o 5 de xuño e remata co Día Mundial dos Océanos o 8 de xuño. Participar no sorteo é moi sinxelo, isto é o que tes que facer:

• Publica unha fotografía no teu Instagram recollendo lixo na praia
• Etiquétanos na fotografía @ailladosratos
• Engade a ubicación da praia na que estea feita a foto
• Segue a nosa conta de Instagram @ailladosratos

Lembra empregar os hashtag #DíaMundialDosOcéanos e #NonMáisPlástico na publicación que fagas, e entre todas as persoas participantes conseguiremos darlle visibilidade a un problema real. Segundo Nacións Unidas, cada ano fíltranse 13 millóns de toneladas de plástico no océano, o que provoca, entre outros danos, a morte de 100 mil especies mariñas. Datas do sorteo e publicación das persoas gañadoras: Poderás participar no sorteo entre o mércores 5 de xuño ata o domingo 9 de xuño a medianoite. A semana seguinte publicaremos as persoas gañadoras no noso Instagram. Se non o fas aínda, segue o noso perfil en Instagram @ailladosratos para saber se gañaches estes estupendos premios 😉 Consulta as bases legais para máis información.