19 RUTAS GUIADAS GRATUÍTAS PARA OUTONO DE 2023
Coa chegada do outono vos propoñemos unha maneira amena e didáctica de coñecer o noso entorno a través das nosas rutas guiadas.
Nesta ocasión presentámosvos “Descubre Moaña no outono 2023”, un proxecto de 8 rutas no que volvemos a colaborar co Concello de Moaña e “Outono en ruta 2023” que estará composto por 11 rutas diferentes nalgúns dos recunchos máis interesantes de Cangas.
Coma sempre as nosos rutas son totalmente gratuítas pero ao finalizar os percorridos, @s nos@s guías ofrecerán aos asistentes a posibilidade de facer unha colaboración simbólica e voluntaria a favor da nosa asociación que empregaremos para a realización doutros proxectos.
En “Descubre Moaña no outono 2023” volveremos a percorrer algúns dos lugares máis emblemáticos de Moaña
Neste programa os asistentes terán a oportunidade de descubrir a historia e algúns dos lugares máis interesantes da vila moañesa.
Intermareal de Tirán
A Torre de Meira
Canteiras do litoral de Moaña
Literaria O último barco
San Martiño
Historia das rúas de Moaña
Mulleres da historia de Moaña
“Outono en ruta 2023”, once rutas diferentes para coñecer Cangas, as súa historia e recunchos
O programa que deseñamos constará de once rutas diferentes que levaremos a cabo os fins de semana en horario matinal. Podedes consultar as características de cada un dos percorridos premendo enriba de cada un destes enlaces que vos levarán a nosa web:
Aldán, un condado a beira do mar
O Hío, de pedra en pedra
Cabo Home e a Costa da Vela
Massó, o sentir dun pobo
O Facho, gardián milenario
Cangas e o mar
Personaxes de Cangas
Historia das mulleres de Cangas
Casco histórico de Cangas
Cangas 1617, a defensa da vila
Cangas 1617, outro punto de vista
Se estades interesados en asistir teredes que darvos moita présa porque as prazas son limitadas e a demanda moi elevada
Os interesados deben inscribirse previamente por whatsapp no 611 08 08 53. Nun principio teremos un límite de 30 prazas por ruta e unha vez sexan completadas, habilitaremos as correspondentes listas de espera que xestionaremos de forma activa.
Óscar Rodríguez Martínez
Socio fundador de A Illa dos Ratos.
Deixa a túa resposta