Rutas guiadas no Morrazo para o verán de 2024

27 RUTAS GUIADAS GRATUÍTAS PARA O VERÁN DE 2024

Logo de superar as 700 rutas e a cota dos 20.000 asistentes, esta será a novena ocasión na que coa chegada do verán vos propoñamos unha maneira amena e didáctica de coñecer o noso entorno a través das nosas rutas guiadas no Morrazo.

Nesta ocasión presentámosvos “Descubre Moaña no verán 2024”, un proxecto de 14 rutas no que volvemos a colaborar co Concello de Moaña e “Verán en ruta 2024” que estará composto por 13 rutas en diferentes localizacións de Cangas e para o que contamos coa colaboración do Hotel H4, Bar e Aloxamento “O Pirata“, TodoMorrazo (a asociación de aloxamentos turísticos do Morrazo) e a hamburguesería – bocatería “Lokal Sevilla” de Cangas.

Coma sempre as nosos rutas son totalmente gratuítas pero ao finalizar os percorridos, @s nos@s guías ofrecerán aos asistentes a posibilidade de facer unha colaboración simbólica e voluntaria a favor da nosa asociación que empregaremos para a realización doutros proxectos.

En “Descubre Moaña no verán 2024” coñeceremos as historias que agochan algúns dos lugares máis emblemáticos de Moaña

Neste programa os asistentes terán a oportunidade de descubrir a historia dalgúns dos lugares máis interesantes da vila moañesa e estrearemos unha ruta nova en Meira: o “Sendeiro do Barranco do Faro”.

Das catorce rutas que propoñemos, once terán lugar os sábados e domingos ás 10:30h (a excepción da ruta “A Poza da Moura” que comezará ás 10:00 h) e as tres restantes celebraranse un xoves e dous venres ás 20:00 h.

Podedes consultar as características de cada unha das rutas nos seguintes enlaces á nosa web:

“A Moaña mariñeira“

“A Torre de Meira“

“Canteiras do litoral de Moaña“

“San Martiño“

“A Poza da Moura de Domaio“

“Literaria O último barco“

“Historia das rúas de Moaña“

“Sendeiro do Barranco do Faro” (nova)

“Sendeiro da Fraga“

“Verán en ruta 2024”, trece rutas para os meses de xuño, xullo, agosto e setembro, incluíndo tres en horario de serán 

Para Cangas deseñamos un programa moi completo que constará de trece rutas, das que nove se celebrarán os sábados e domingos ás 10:30h e outras catro serán levadas a cabo pola semana ás 20:00h. 

Tedes as características de cada percorrido nestes enlaces directos a nosa web:

“Senda Costeira de Areamilla a Liméns“

“Massó, o sentir dun pobo“

“Aldán, un condado a beira do mar“

“Cangas 1617, A defensa da vila“

“Cabo Home e a Costa da Vela“

“Intermareal de Areamilla, mar a vista¡“

“Rúas con historia“

“Cangas e o mar”

“Cangas na República“

“O Facho, gardián milenario”

Se estades interesados en asistir teredes que darvos moita présa porque as prazas son limitadas e a demanda moi elevada 

Os interesados deben inscribirse previamente por whatsapp no 611 08 08 53 indicando un nome completo para a reserva e o número de persoas que desexan asistir.

Nun principio teremos un límite de 30 prazas por ruta e unha vez sexan completadas, habilitaremos as correspondentes listas de espera que xestionaremos de forma activa.

VÉN DE RUTA COS RATOS ¡¡¡