A ILLA DOS RATOS REALIZARÁ 27 RUTAS GUIADAS GRATUÍTAS NA PRIMAVERA DE 2025 NO MORRAZO
Unha vez máis propoñémosvos unha maneira amena e didáctica de coñecer o noso entorno a través das nosas rutas guiadas polo Morrazo para a primavera de 2025, unha alternativa de ocio para compartir o tempo de lecer en boa compañía.
Nesta ocasión, por primeira vez na historia, realizaremos rutas guiadas nos tres concellos do Morrazo:
- “Descubre Moaña na primavera 2025”, un proxecto de 12 rutas no que volvemos a colaborar co Concello de Moaña.
- “Primavera en ruta 2025”, un programa que estará composto por 12 rutas e que organizamos en colaboración co Concello de Cangas.
“Recoñecer Bueu na primavera 2025”, no que contaremos co apoio do Concello de Bueu. Estrearemos 3 rutas novas ao longo dos meses de abril, maio e xuño baixo os títulos “Intermareal de Agrelo“, “Ermelo, o berce do Morrazo” e “Massó, a orixe“.
Coma sempre as nosas rutas son totalmente gratuítas pero ao finalizar os percorridos, @s nos@s guías ofrecerán aos asistentes a posibilidade de facer unha colaboración simbólica e voluntaria a favor da nosa asociación que empregaremos para a realización doutros proxectos.
En “Descubre Moaña na primavera 2025” coñeceremos as historias que agochan algúns dos lugares máis emblemáticos de Moaña
Neste programa descubriremos xuntos a historia dalgúns dos lugares máis interesantes da vila moañesa. Haberá moita variedade de contidos, un novo percorrido titulado “O mar de Meira: da pesca tradicional ás traiñeiras” e varias rutas na costa de Tirán xa que teremos boas mareas para facer a “Intermareal de Tirán” en tres ocasións e volveremos a celebrar unha nova edición da ruta literaria “O último barco” sobre o libro do tristemente falecido Domingo Villar.
Podedes consultar as características de cada unha das rutas nos seguintes enlaces á nosa web:
“Canteiras do litoral de Moaña”
“Sendeiro do Río do Barranco do Faro“
“Primavera en ruta 2025” constará de doce percorridos por Cangas, entre os que repetiremos a nova ruta que estreamos este ano titulada “As esculturas de Cangas”
Para que os nosos asistentes poidan coñecer Cangas desde diferentes perspectivas, deseñamos un programa moi completo que constará de doce rutas, nove diferentes, entre as que estará a gran novidade deste 2025, “As esculturas de Cangas“, unha ruta na que coñeceremos detalles interesantes dalgunhas das esculturas que forman parte das nosas rúas e que empregaremos como fío condutor para coñecer a historia do pobo.
Podedes consultar as características de cada ruta nestes enlaces directos a nosa web:
“Cangas 1617, a defensa da vila“
“Aldán un condado á beira do mar“
“Recoñecer Bueu na primavera 2025” con tres rutas novas
Con moita ilusión arrancamos este novo proxecto no que buscaremos que coñezades dun xeito ameno e didáctico algúns dos lugares máis importantes e fermosos de Bueu, resaltando os seus valores naturais, culturais e etnográficos.
Os asistentes as nosas rutas de primavera poderán beneficiarse dun 10% de desconto en Pink Souba Clothing presentando na tenda un flyer que entregaremos ao rematar as rutas
Se estades interesados en asistir teredes que darvos moita présa porque as prazas son limitadas e a demanda moi elevada
Coma sempre os interesados deben inscribirse previamente por whatsapp no 611 08 08 53 indicando un nome completo, a ruta e o número de persoas que desexan asistir.
Nun principio teremos un límite de 30 prazas por ruta e unha vez sexan completadas, habilitaremos as correspondentes listas de espera que xestionaremos de forma activa.
VÉN DE RUTA COS RATOS ¡¡¡
Óscar Rodríguez Martínez
Socio fundador de A Illa dos Ratos.
Deixa a túa resposta