Rutas guiadas no Morrazo para o inverno de 2026

12 RUTAS GUIADAS GRATUÍTAS NO INVERNO DE 2026

Unha vez máis propoñémosvos unha maneira amena e didáctica de coñecer o noso entorno a través das nosas rutas guiadas polo Morrazo para o inverno de 2026, unha alternativa de ocio para compartir o tempo de lecer en boa compañía.

Nesta ocasión presentámosvos unha serie de rutas guiadas no Morrazo a través de “Descubre Moaña no inverno 2026”, un proxecto de 6 rutas no que volvemos a colaborar co Concello de Moaña e “Inverno en ruta 2026”, un programa que estará composto por 6 rutas que transcorrerán por algúns dos lugares máis senlleiros de Cangas.

Coma sempre as nosos rutas son totalmente gratuítas pero ao finalizar os percorridos, @s nos@s guías ofrecerán aos asistentes a posibilidade de facer unha colaboración simbólica e voluntaria a favor da nosa asociación que empregaremos para a realización doutros proxectos.

En “Descubre Moaña no inverno 2026” coñeceremos as historias que agochan algúns dos lugares máis emblemáticos de Moaña

Neste programa descubriremos xuntos a historia dalgúns dos lugares máis interesantes da vila moañesa. Podedes consultar as características de cada unha das rutas nos seguintes enlaces á nosa web:

“Canteiras do litoral de Moaña“

“A Moaña mariñeira“

“Literaria: O último barco“

“Historia das rúas de Moaña“

“Mulleres da historia de Moaña“

“A Poza da Moura de Domaio“

“Inverno en ruta 2026”: seis percorridos diferentes por Cangas

Para Cangas deseñamos un programa moi completo que tamén constará de seis rutas. Podedes consultar as características de cada ruta nestes enlaces directos a nosa web:

“Massó, o sentir dun pobo“

“Personaxes de Cangas“

“As esculturas de Cangas”

“Intermareal de Areamilla“

“As terras de Coiro: agro e cultura“

“Historia das mulleres de Cangas”

Se estades interesados en asistir teredes que darvos moita présa porque as prazas son limitadas e a demanda moi elevada 

Coma sempre os interesados en asistir deben inscribirse previamente por whatsapp no 611 08 08 53 indicando un nome completo, a ruta e o número de persoas que desexan asistir.

Nun principio teremos un límite de 30 prazas por ruta e unha vez sexan completadas, habilitaremos as correspondentes listas de espera que xestionaremos de forma activa.

VÉN DE RUTA COS RATOS ¡¡¡