Natureza e historia pola costa

Será unha ruta amena e interactiva na que aprenderemos un pouquiño máis sobre a nosa natureza e a nosa cultura. Percorreremos esta senda litoral gozando das súas vistas e escoitando as ondas do mar, algo que é unha actividade adecuada e moi recomendable para todo o mundo. Respecto aos contidos, coñeceremos a orixe do túnel de Areamilla, falaremos dalgúns dos naufraxios máis importantes da historia sucedidos na Borneira e visitaremos as espectaculares furnas. Tamén haberá tempo para aspectos relacionados coa riqueza paisaxística e natural xa que remataremos no complexo dunar de Liméns.