Os segredos do muíño

Ao principio foi o millo miúdo moído manualmente o que nos daba a fariña para o pan (ese alimento básico para a supervivencia ata non hai tanto tempo), pero pouco a pouco o enxeño foi evolucionando, pasando por innumerables fases e tipoloxías, ata chegar á máis absoluta perfección: moer sen esforzo e sen consumir recursos. A natureza proporciona o gran e a auga que, unha vez usada, volve limpa como chegou e sen perder unha pinga, ao seu curso natural. Nós simplemente temos que poñer o medio para transformar o gran en fariña. O resultado foi unha máquina perfecta e totalmente ecolóxica. Queres saber máis? Nesta ruta desvelaremos os segredos do muíño, piar da alimentación durante séculos.