LOURIZÁN: UN PARAÍSO ESQUECIDO.

Texto elaborado por Irene Aboy Quintela.

Ao longo do territorio galego son moitas as infraestruturas que son propias da nosa cultura: os canastros, as pallozas, os cruceiros, os petos de ánimas, etc. pero se hai unha que destaca por ser a máis nobre de todas, sen dúbida,  son os pazos galegos. Cos seus impresionantes xardíns e a súa arquitectura de carácter defensivo, a súa orixe podemos atopala no século XVIII nos vellos señoríos coas súas casas fortaleza.

Así e todo, o Pazo de Lourizán confronta totalmente co pazo tradicional galego e sorprende a todo o mundo xa que, tras unha reforma realizada por Jenaro de la Fuente (principal arquitecto do Concello de Vigo),  deixa atrás ese carácter de infraestrutura defensiva e se converte nun palacio modernista único e irremplazable onde o edificio se abre ao xardín a través dos seus enormes ventanais, permitindo deste xeito que ambos espazos convivan en armonía.

Aínda que a día de hoxe o edificio non é visitable polas condicións nas que se atopa, sabemos por diversas fontes dos importantes acontecementos que alí sucederon, protagonizados por destacadas personalidades.

O pazo de Lourizán como centro da política nacional

Esta pequena finca situada ao noroeste da Península Ibérica e no corazón das Rías Baixas convertiuse na meca política do país,  sendo a residencia de verán de D. Eugenio Montero Ríos , un dos políticos máis destacados de finais do século XIX e principios do XX.

Do que sí podemos gozar é do inmenso xardín que rodea o pazo que ten todo o necesario para converter este lugar na finca de verán perfecta: un canastro, un pombal, fontes e fervenzas, un ceador e o máis que interesante invernadoiro que nos recorda a un Palacio de Cristal.  Grazas a que este xardín contén especies de todos os continentes, podemos viaxar ao redor do mundo sen saír das 54 hectáreas que abarca a finca. A camelia é sen dúbida a raíña e protagonista do predio, enchendo de cor o frío inverno galego. Cabe destacar que neste lugar encontramos a camelia máis alta de Galicia cunha medida de vinte metros e medio.

A pesar de todo e con toda a historia que leva as súas costas, resulta curioso que este pazo sexa descoñecido incluso para moitas persoas que viven a escasos kilómetros del, sendo os seus principais visitantes algúns  veciños así como historiadores especializados nos séculos XIX e XX.

Por todas estas razóns esta visita guiada pretende desempolvar os valiosos recordos e vivencias e dar a coñecer un punto importante da nosa historia contemporánea. ¿A que quedaches con ganas de saber un pouco máis deste lugar?

close

Subscríbete ao noso boletín!

Cada venres mandarémosche un correo con cousiñas interesantes complementarias ás nosa rutas.

Ao subscribirte, aceptas recibir os nosos correos informativos e aceptas a nosa Política de Privacidade. Podes darte de baixa en calquer momento

Deixa o teu comentario

O teu correo electrónico non será publicado.Os campos obrigatorios márcanse cun *

Pode empregar estas etiquetas e atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Información básica sobre protección de datos Ver más

  • Responsable A Illa dos Ratos .
  • Finalidad Moderar los comentarios. Responder las consultas.
  • Legitimación Tu consentimiento.
  • Destinatarios Dinahosting.
  • Derechos Acceder, rectificar y suprimir los datos.
  • Información Adicional Puedes consultar la información detallada en la Política de Privacidad.