Ruta “Cangas na República”
As misións pedagóxicas no Morrazo (III)
Dentro das actividades das Misións Pedagóxicas, as bibliotecas itinerantes foron unha iniciativa encamiñada a facer chegar libros e fomentar a lectura entre á xente máis humilde.
Á chegada da República non había apenas bibliotecas públicas en España e ningunha escola rural contaba con libros infantís, de aí que o labor emprendido polo Padroado das Misións iniciase a maior campaña de lectura que xamais se fixo no Estado, repartíndose bibliotecas para adultos e nenos polos pobos. … Ler máis
As misións pedagóxicas no Morrazo (II)
A pesar de que as actividades das Misións Pedagóxicas chegaron a moitas poboacións galegas, as vilas do Morrazo non gozaron das sesións de cine, dos museos, das exposicións fotográficas ou dos monicreques que ofertaba este padroado debido á falta de demanda por parte dos mestres, a maioría na órbita dos pósitos ou pola propia dinámica da Galicia costeira na que xa incidían proxectos como o dos grupos Ultreya.
Porén, a península do Morrazo si se vería beneficiada polas actividades dos chamados Centros de Colaboración Pedagóxica que baixo os auspicios da Inspección do Ensino se levaron a cabo en distintos puntos da nosa xeografía coa intención de potenciar o intercambio de experiencias pedagóxicas entre os mestres a través de reunións por zonas, tentando así unha actualización de cara a mellorar os procedementos educativos e docentes. … Ler máis
As misións pedagóxicas no Morrazo (I)
Son moitos os traballos e publicacións que acreditan o intenso labor e esforzo pedagóxico desenvolvido durante a II República a través das escolas públicas ou as dos Pósitos marítimo-terrestres, entidades asociativas de patróns e mariñeiros que nacen anos antes na ditadura de Primo de Rivera.
Estas escolas, públicas e asociativas alcanzarían o seu maior desenvolvemento educativo ao contar co apoio das Misións Pedagóxicas, os Centros de Colaboración Pedagóxica e outros movementos deste tipo tras dos que estaba a ideoloxía pedagóxica da Institución Libre de Enseñanza. … Ler máis
Dolores Blanco Montes, sindicalista represaliada
Neste artigo coñeceremos a historia de Dolores Blanco Montes, “A Pasionaria de Cangas”, unha canguesa valente que loitou ao longo da súa vida polos dereitos de todas as mulleres traballadoras. … Ler máis
Bernardo Blanco Rodal, mariño republicano de Cangas
Bernardo Blanco Rodal era un mariño republicano que perdeu a vida de maneira tráxica no Cruceiro Libertad nun ataque aéreo durante a Guerra Civil. A autora deste artigo era familiar seu e elaborouno sobre todo para adicarllo á súa nai, Lola Barreiro Blanco quen, con máis de 80 anos, é unha gran sabedora das historias da Cangas de antes e coa que sentía que tiña unha débeda pendente, a de contar a curta e trepidante historia deste valente cangués.
Todo o que aquí se conta, é froito do escoitado e recopilado na “casa”, do que se recorda na familia Blanco sobre a súa persoa e tamén dunha pequena colaboración feita coa profesora da Universidade de Valencia, Victoria Fernández Díaz, especialista no exilio dos mariños da Armada Republicana. … Ler máis
José Oliveira Avendaño “Oliveira”
Jose Oliveira Avendaño, foi un cangués cunha vida intensa e interesante vinculada a república e ao mar, ese mar que precisamente baña o porto no que Cangas recibía a bandeira tricolor que ondearía no Concello no 1931. … Ler máis
Os mártires do Anguieiro
O 28 de Agosto de 1936 quedará marcado para sempre na historia de Cangas como o día no que once inocentes foron asasinados brutalmente polos falanxistas no Anguieiro.
Neste artigo Aitor González parte do contexto a nivel nacional que rodeou ao alzamento militar franquista do 36 para posteriormente relatarnos as consecuencias que tivo para a vila de Cangas, centrándose especialmente neste lamentable e cruel feito. … Ler máis
San Simón, a illa da memoria
Co foco posto en velar pola reivindicación das vítimas do franquismo, as asociacións que traballan pola recuperación da memoria histórica nos arredores da Ría de Vigo coordínanse anualmente coa plataforma “Iniciativa Galega pola Memoria” para organizar un acto na illa de San Simón. … Ler máis
A escola elemental de pesca
A ESCOLA ELEMENTAL DE PESCA DE CANGAS DE FELIPE CARNICER Texto elaborado por Óscar Rodríguez Martínez, socio de A Illa dos Ratos. D. Felipe Carnicer López era un mestre natural de Orera, un pequeño pobo cercano a Calatayud (Zaragoza), que contaba con experiencia en diversas escolas de orientación marítima da península. No ano 1930 foi destinado a Cangas e aquí foi o impulsor da Escola Elemental