Con motivo do Día Mundial dos Océanos faremos unha RECOLLIDA de LIXO MARIÑO na praia de Rodeira. Só tendes que traer as ganas. As luvas e as bolsas poñémolas nós; xunto cunha pequena actividade de concienciación sobre a importancia das dunas e o impacto dos plásticos.
LIMPEMOS OS NOSOS OCÉANOS!
O día Mundial dos Océanos serve para lembrar o importante papel que xogan os océanos na nosa vida, concienciar á opinión pública sobre as consecuencias que a actividade humana ten para os océanos e poñer en marcha un movemento mundial a favor deles. Este ano o lema do Día Mundial é “limpemos os nosos océanos” e xira entorno a iniciativas para previr a contaminación por plástico.
Con esta actividade ambiental pretendemos aumentar o coñecemento sobre o medio litoral, as especies que nel viven e a empatía cara os seres vivos que ven afectado o seu medio de vida polo impacto do home, e posteriormente reafirmar estes novos coñecementos e actitudes positivas organizando unha recollida de plásticos e lixo mariño na Praia de Rodeira que evidenciará o que normalmente pasa desapercibido: o impacto que temos os humanos nun medio tan importante como o mariño.
As actividades comezarán ás 11:00 no comezo da praia de Rodeira onde instalaremos dúas carpas con información, xusto ao lado do aparcadoiro. Faremos unhas pequenas explicacións sobre o impacto dos plásticos e camiñaremos cara ao final da praia para facer unha pequena explicación da importancia das dunas e as especies que nela viven.
Posteriormente, e por grupos, comezaremos a recollida de lixo e o rexistro dos datos dos residuos que imos atopando para colaborar así coa Asociación Ambiente Europeo e o seu proxecto International Coastal Cleanup.
Ao final da xornada faremos unha valoración e a fotiño final.
Estades todos convidados a vir a colaborar por uns océanos libres de plásticos!!!
RECOMENDACIÓNS:
- Traer roupa e calzado cómodos
- Poñerse protector solar e gorra
- Hidratarse continuamente
Redacción A Illa dos Ratos
-
Redacción A Illa dos Ratoshttps://ailladosratos.org/author/admin/05/02/2016
-
Redacción A Illa dos Ratoshttps://ailladosratos.org/author/admin/
-
Redacción A Illa dos Ratoshttps://ailladosratos.org/author/admin/26/06/2016
-
Redacción A Illa dos Ratoshttps://ailladosratos.org/author/admin/
Deixa a túa resposta