Asociación A Illa dos Ratos

Tivemos momentos moi divertidos nas nosas actividades de animación sociocultural

Ademais das rutas polas que nos coñecen moitos dos nosos seguidores, a outra vertente que da sentido a nosa existencia e a dinamización sociocultural. Ao longo destes cinco anos foron máis de 50 as ocasións nas que organizamos diferentes actividades.

Para nós foron memorables as “Xincanas de Entroido” que organizamos da man do Concello de Cangas nos dous últimos anos con temáticas de superheroes en 2019 e de videoxogos no 2020, ocasión na que tivo un papel importante o MUVI (Museo do videoxogo de Galicia). Centos de persoas correndo por Cangas disfrazadas para a ocasión e superando as divertidas probas que puxemos nas diferentes estacións creadas para a ocasión e nalgúns dos comercios do centro do pobo.

Tamén conseguimos que cada mes de outubro, os cangueses esperen cada ano a nosa “Festa Histórica Infantil A defensa da Vila” coa que os máis novos se involucran na conmemoración do aniversario da defensa da Vila de Cangas ante o ataque pirata turco berberisco de 1617.

Outra das nosas actividades máis importantes son as Prebadaladas . As primeiras que organizamos foron en Cangas e nelas contamos coa presenza de moitas familias e grupos de amigos que lle deron xuntos a benvida de forma anticipada ao 2017 aquel 31 de decembro ás 12:00 da mañá diante do palco dos Xardíns de Soage na Alameda Vella.

Os anos seguintes cando as celebramos en Moaña pasámolo tamén moi ben con música, bailes e diversión antes de tomar as xa tradicionais 12 boliñas de queixo e facer o posterior brinde con refrescos co que pequenos e maiores saudaron ao novo año.

Pero ademais desas tres actividades principais non podemos esquecernos de outras como as de animación á lectura que fixemos en máis dunha ocasión na Casa da Cultura con motivo do Día do Libro e o Día das Bibliotecas, os xogos populares nas Festas de San Pedro ou os de temática medieval en Moaña Antiqua ou as animacións na Chocolatada solidaria da peña moteíra “Os Matapardais” de Moaña, o Nadal con Vida do Concello de Cangas e no Festival de fin de curso do CEIP Espiñeira de Aldán.

Tamén sentímonos moi orgullosos da nosa faceta de educación y concienciación medio ambiental

Ás actividades organizadas con motivo do Dia dos Océanos, uniuse o pasado 1 de maio de 2019 unha recollida de lixo mariño na praia de Rodeira coa participación de máis de 150 persoas, entre elas moitos nenos e nenas, que recolleron 100 kg de residuos de pequeno tamaño, sobre todo microplásticos, tomando conciencia do problema tan importante que temos nos nosos océanos.

A pandemia da COVID-19 esta sendo moi dura para todos pero non nos parou ¡¡¡

Nesta pandemia da COVID 19 tivemos que baixar o ritmo pero non perdemos o tempo. En abril, en pleno confinamento, tivemos a iniciativa de convocar un concurso fotográfico no que premiamos as fotos máis divertidas que os nosos seguidores subiron ás redes sociais.

Tamén aproveitamos para crear a nosa nova e ambiciosa web, www.ailladosratos.org na que a partir de agora se poderán consultar os contidos das diferentes rutas do noso catálogo. Nesta nova ventá ao mundo tamén estamos desenvolvendo un interesante proxecto baixo o título “O blog dos Ratos”, no que os nosos socios e colaboradores van publicando cada semana artigos sobre temas relacionados coas rutas, sobre outras asociacións e colectivos do Morrazo, biografías de personaxes locais, libros de interese ou contidos medio ambientais.

Queremos seguir sendo un referente no Morrazo como alternativa de ocio para todos os públicos

Todas estas iniciativas son o resultado de moitas horas de traballo e a implicación dos membros da asociación, especialmente das persoas que conforman a xunta directiva: Óscar Rodríguez Martínez (presidente), Lucía Sotelo Nogueira (secretaria), Eloy Gómez Fernández (tesoureiro), Liliana Cancelas Gargamala (vogal) e Xabier Guardado Soliño (vogal).

Todos nós, en nome do resto de membros do colectivo queremos agradecer o apoio, axuda e participación das personas, colectivos e institucións que teñen colaborado para que A Illa dos Ratos se teña consolidado como unha das asociacións máis dinámicas do Morrazo e agardamos que nos sigades acompañando na nosa viaxe, que esperamos sexa tan longo como reconfortante foi para nós nestes primeiros cinco anos de andadura.